كسكس بريستيج …تقديم و بنة رائعة والطريقة موضحة بالتفصيل

المقادير
في طنجرة ندير 2 دجاحات او 1كغ لحمة او حسب الاختيار نشلظ 2بصلات و تقطعوا 2 مطيشات و نزيد ملح ابزار سكنحبير خرقوم م ص سمن و نصف كاس زيت و ربطة معدنوس و قزبر حتى يطيب و نحيدوه نديروه في لاطة و الى الفرن
و المرق نزيد عليه 1/2 كغ جزر مقطع على شكل طولي حتى ينضج و نزيد نصف كغ قرع احمر و نضيف ضامة دجاج
تحضير الخضر للتزيين 
في مقلاة ندير م ك زبدة و نصف كغ قرع احمر شوية ملح قرفة مسكة حرة و 3 م ك سكر و نتركها حتى تتعسل مزيان و نخليوها تبرد تماما و نشكل كوريات و ندوزوهم في اللوز هاشي
بالنسبة القرع الاخضر نجوفه و نحشوه بخضر لفت و جزر مقطعين رقاق و طايبين في كسرونة مع شوية مرق الدجاج و ندخلهم الفرن حتى تنضج و نغطيوهم بورق الالمنيوم
البرقوق يتصلق و يتعسل مع زبدة سكر و قرفة
بالنسبة للتفاية
2 كغ بصل مقطع مشنف نديره في مقلة على عافية مهيلة مع م ك زبدة و زيت و نغطيوه حتى يدبل و نزيد 160غ زبيب مغسول مزيان و منقوع في ماء ساخن من قبل و نضيف خرقوم ابزار قرفة سكر ملح ضويمة زعفران و 2 م ك ماء زهر و نخليوها حتى تتعسل
المونطاج
نحل الكسكس من بعد ما تبخر 3 مرات بشوية زبدة او سمن ونحطوه في طبق التقديم و نحط عليه الدجاج المحمر و الخضر من الوسط و التفاية و يبقى التقديم حسب الاختيار و الرغبة و بالصحة والعافية.