البنات الغزالات ماغاديش نبخل عليكم بهاد الماسك الخطير لي كينظف و يرطب البشرة من العمق
المكونات:
- معلقة ص زريعة الكتان
- م ص جلجلان
- م ص دقيق
- بياض بيضة
الطريقة - كنطحنوا زريعة الكتان وجلجلان ودقيق مزيان على شكل بودرة عاد نضيف بياض بيضة نخلط الماسك ونطبقوا على البشرة
- بطبيعة الحال البشرة نكونو نضفناها بغسول ومن بعد درنا مقشر اسهل واحد شوية الكامون مع الحليب نطبقو نخليه ينشف ونبقا ندير حركات دائرية الوجه نغسلو عاد نطبق الماسك نخليه لمدة 30 د اولا حتى نشوفو يبس مزيان وكنحسوا بوجهنا تجبد ديك ساعة نغسلوا بماء دافي ونرش ماء الورد .
- وأخر حاجة نرطب بزيت اللوز الحلو وبصحة وراحة .