بكبوكة الوجدية او بينوطة اسهل طريقة للتحضير وكتجي رائعة …وجديها للعيد الكبير

المقادير :

• الكرشة ديال الغنمي
• كبدة ديال الخروف
• رئة ديال الخروف
• القلب
• طيحان
• لحم هبرة
• روز
• بصلة مشلضة
• ثوم
• حمص يابس
• فول
• عدس
• ملح ابزار سكينجبير خرقوم كامون تحميرة قزبر ومعدنوس
  طريقة تحضير بكبوكة الوجدية او بينوطة :
• ناخدو الدوارة اولا الكرشة ديال الخروف ونغسلوها ونقيوها مزيان ونقطعوها على حساب شحال بغينا نوجدو من بينوطة ونخيطوهم بحال جيب ونخليو واحد الفتحة لي منها نحشيو
• ناخدو من كل جزء من الدوارة طرف الرئة القلب طيحان الكبدة وايضا قطع من الهبرة وهادو كاملين نقطعوهم على شكل مكعبات ونديروهم فاناء
• نضيفو عليهم التوابل نصف معلقة من كل واحد والكامون نديرو غير شوية منكتروش منو وبصلة مشلضة وثومة محكوكة على حساب الذوق ديالك لالة والحمص يكون مرطاب ليلة كاملة قبل والفول حتى هو و العدس
• نخلطو هادشي مزيان ونبداو نعمرو بكبوكة ديالنا مزيان ونخيطو الفم ديالها ونديروهم فكوكوت ونطيبوهم ومن الاحسن نطيبوها مع كسكسو كتجي روعة ونقدمو بكبوكة الوجدية او بينوطة بالصحة والراحة