موقع اناقة مغربية وشهيوات و وصفات حلويات المغربية للمرأة المغربية الحادكة

هاد طورطة للعيد ميلاد صراحة جات واعرة المذاق رائع وحتى الشكل كيحمق كلشي سولني على المقادير.

المقادير
تعديل جينواز

  • 5 بيضات
  • 8 معالق سنيدة
  • 8 معالق دقيق
  • نص خمارة
  • فانية
  • قبصة ديال الملح
    الطريقة
    كطربي بالباطور للبيض مع السنيدة والفاني والملح حتى يطلع الخليط مزيان ويولي ابيض.
    من بعد غربلي 8 معالق ديال دقيق ونص خمارة و 3 معالق كاكاو حلو وبداي تخلطي من التحت الفوق باش ميهبطش البيض اللي طلعنا اكون الفران سخون ديري الخليط فطاوة كبيرة ديال الفران فرشيي فيها ورق الطبخ وخوي الخليط وزعيه مزيان ودخليها طيب ردي ليها البال مكتخدش الطياب بزاف ملي دوز 20 دقيقة قلبيها بالموس
    ملي طيب خرجيها وخليها تبرد مزيان عاد قطعيها بالشكل اللي بغيتي دائري ولا مربع

كريمة الحشو

  • كرتونة ديال كريم شانتيي
  • كرتونة ديال لاموس
    خودي اناء ديري فيه شانتيي و لاموس و 2كيسان ديال الحلين يكونو باردين مزيان طربيهم حتى يطلعو وزيدي معلقة ديال نكهة الكراميل وعودي طربي
    خودي جينواز اللي وجتي قطعيها بالشكل اللي بغيتي اطار باش قطعتي حطي فيه الطبة اللولة وسقيها بالقوة مزيان وديري طبقة ديال كريمة وبقاي غادية هكاك حتى تكملي الطبقات كاملين طافي حيدي اطار وديري كريمة من جناب وفينيها مزيان وخليها فالمجمد ليلة كامل حتى الغد عاد ديري ليها كلاصاج
  • كاس معمارش ديال الماء
  • كاس سنيدة وزيدي عليه 2معالق
  • 2 معالق كاكاو مسوس
  • كاس كريم فريش
  • و 3 اوراق جيلاتين
    الطريقة
    خودي كاصرونة ديري فيها السنيدة والماء حطيهم قوق البوطة ملي يبداو يغليو بداي تزيدي الكاكاو وتحري مزيان ملي يدوب كاكاو بداي تزيد فكريم فريش وخلطي مزيان حيديهم من فوق البوطة وزيدي عليهم اوراق الجيلاتين اللي تكوني رطبتيهم قبل فالماء بارد عصريهم من الماء وزيديهم على الخليط وحركي حتى يدوب كلشي ودوزيهم فالصفاية .
    وخرجي طارت من المجمد ديري بلاطو فيه شي كاصرونة مقلوبة وحطي فوقها طارت وخوي عليها كلاصاج من بعد مايبرد شوية داكشي اللي غادي يطيح فبلاطو هزي منو الا بانت ليك شي بلاة خاوية عمريها
    صافي خلي كلاصاج ينشف شيوية وزينيها كيفما بغيتي ورجعيها تبرد.

لالة مولاتي 1

لالة مولاتي 2

loading...
loading...