موقع اناقة مغربية وشهيوات و وصفات حلويات المغربية للمرأة المغربية الحادكة

مزال مجربتي بسبوسة بالشكلاط كتجي هائلة …فرحي بيها الوليدات

المكونات

  • دانون فاني
  • 3 بيضات
  • زوج خمارات
  • فاني 
  • 3 معالق بودر كاكاو
  • كاس سنيدة
  • كاس زيت
  • قبصة ملح
  • كاس ونص سميدة رقيقة
    الطريقة
    نص كاس زيت كنديروه في مولينكس مع سنيدة بيض فاني ظانون ونطحنو
    ونص كاس زيت لاخر نبسبسو بيه سميدة غ بصباعنا منين نطحنو نزيدو خمارات وبودر كاكاو وسميدة ونطحنو مزيان ونخويو قي مول زاج مدهون بالزبدة تقدرو طحنوو معاه حتا كركاع محمر و مطحون كيبقا اختياري وندخلوها طيب في نار مهيلة علا ما طيب نوجدو سيرو دقهوة وسنيدة وللما نسقيوها وهي مزال سخونة
    بالنسبة لصلصة
    كاس د الحليب او كريم فريش
    نسخنوه مع 3 معالق بودر كاكاو 3 معالق سنيدة منين يغلا نزيدو عليه شكلاط دايب انا درت 20شكلاطة ونسقيو بسبوسة بصوص وهي مزال سخونة وزوقوها بلي بغيتو كركاع لوز او كوكاو مهرمش وبالصحة والراحة.

لالة مولاتي 1

لالة مولاتي 2