تشيز الياغورت و الشكلاط فالفرن اقتصادي جدا و سهل للتحضيو وجد لذيذ
المقادير:
- 4 فرماجات كيري،بيضة،
- نصف حك نستلي (الي كيبغي الحلاوة يديرو كامل)،
- 3 دانون مسوس
- ملعقة دقيق،
- رشة ملح،
- ملعقة فاني،
- ملعقة كبيرة شكلاط غبرة،
- نصف ملعقة نسكافي،
- للقاعدة: بسكوي مطحون (على حسب المول انا استعملت تقريبا 24 حبة) ،زبدة دايبة(4او5 ملاعق)،كركاع مطحون.
الطريقة:
نطحن الكركاع ونهرمش البسكوي ونخلطوهوم بالزبدة دايبة مزيااان ونسرحوهم فالمول وندخلهم للفريكو .
نخلط كل المقادير مع بعض ماعدا شكلاط غبرة ونسكافي،ملي نخلطو مزيااان نقسمو الخليط الثلث نديرو ليه نسكافي والشكلاط والباقي نخليوه ابيض ملي يبرد البسكوي نكبو فوقو الخليط الي فيه الشكلاط ومن بعد نكبو الخليط التاني وندخلوه للفران مسخن من قبل نصف ساعة تقريبا او حتى يطيب ويتماسك،ملي يطيب نخليوه يبرد وندخلوه التلاجة من بعد نديرو فوقو طبقة من كناش الشكلاط وزينتو بكريم شونتي والكركاع، وبالصحة والراحة.