موقع اناقة مغربية وشهيوات و وصفات حلويات المغربية للمرأة المغربية الحادكة

متبقايش تحيري فالعشاء مع مقرونية الطون والبيشاميل ساهلة وتوجد فأسرع وقت كنوجدها في 20 دقيقة


المقادير :

مقرونية (اي شكل متوفر والكمية حسب الاشخاص)

بصلة مشلضة

كورجيت محكوكة(الخضر حسب الرغبة ممكن نضيفو جزر محكوك ولا شومبينيو ولا فلفل…)

2  معالق طماطم مركزة

حك طون (ممكن نستعملو كفتة دجاج كروفيت وممكن بلاش)

ثوم محكوك

ملح/ابزار/رشيشة سكر/زيت

طريقة التحضير :

اولا نديرو الماء يطيب مع شوية الملح ونردو لي باط يتسلقوو ، وندوزو نوجد مقلاة نديرو زيت يسخن ونضيفو ليه بصلة مشلضة رقية ورشيشة ملح ونخليوها تنزل مزيااان ، منين تنزل نزيدو ثوم وكورجييت محكوك منين تنزل الكورجيت تنزيدو مطيشة الحك ونشحرو شوية حتا تطلع ريحة مطيشة عاد ، نبدا نضيف الماء من الاحسن الماء فاش صلقنا لي باط مع تيكون طالق فيه داك نشا تتعقاد لينا لاصووص

عاد نضيفو ابزار وسنيدة وحك طون ونحركو ونضيفو لي باط لي صلقنا غير ،مخاصناش نصلقوهم بزااف حيت مزال غادي يكملو طيابهم 

ندوزو للبيشاميل تندير معلقة كبيرة زبدة ونخليها ذوب عاد تنضيف ليها معلقة وشي 

 

شوية تاع طحيين ونحاول نحرك شوية باش يطيب داك طحيين ونبدا نضيف فالحليب ، 

 شوية بشوية صراحة مكنعبرش شحال بالضبط المهم نحركو مزيااان باش ميتكورش

 لينا ونزيدو ملح ابزار ورشيشة كوزة تتعطي مذاق لذييذ وهنا ضفت للبيشاميل معلقة 

من الجبن اختياري اكييد

منين يطيب البيشاميل كنستفو لي باط فمول تاع الفرن ونكبو عليه البيشامييل ونحكو ،

شوية الفرماج فالاخيير ، وندخلوه للفرن شي شوية.

 

بالصحة والراحة




 

قد يعجبك ايضا
اترك تعليقا