موقع اناقة مغربية وشهيوات و وصفات حلويات المغربية للمرأة المغربية الحادكة

طريقتي لي كنحضر بيها كيك شكلاط بالكريم باتسيير اقتصادي وناجح والمداق شهوة منو


المكونات :

3 بيضات 
1 كأس سكر سنيدة 
1 كأس حليب سائل 
ربع كأس زيت 
2 كيسان دقيق أبيض 
3 أكياس من خميرة الحلوى 
2 أكياس من سكر الفاني 
2 معالق كبار بودرة الكاكاو 

السيرو :

كأس سنيدة 
1 كأس الماء 
ربع حامضة

كريم باتسيير :

3 معالق كبارمسحوق لكريم باتسيير 
3 معالق كبار سنيدة 
ربع لتر حليب 
شكلاط مذوب في حمام مريم 

للتزيين :

الشكلاط ڨرميسال (أسود أو ملون) 

طريقة التحضير :

في الخلاط الكهربائي نديرو 3 بيضات نطربوهم شوية ونزيدو كأس سنيدة وحنا كنطربو ثم ربع كأس زيت ثم كأس حليب ثم الفاني دائما مع الخلط بالخلاط الكهربائي
من بعد نضع الدقيق مخلط مع كاكاو + الخميرة في اناء ونصب عليه الخليط
و نخلط جيدا بالخلاط اليدوي ثم نصب الخليط في قالب دائري مدهون الزبدة و مرشوش بالدقيق و ندخله الفرن ساخن من قبل لمدة 30 الى40 دقيقة.
ومنين نخرجوها نسقيوها بالسيرو لحضرناه من قبل ونخليوها شوية
من بعد نأخد كاصرونة نديرو فيها الحليب + مسحوق كريم باتسيير + 3 معالق كبار سكر سنيدة نحركو مزيان حتى يعقاد ثم نضيفو ليه شكلاط مذوب في حمام مريم ونخلطو جيدا بالخلاط اليدوي  حتى نحصل على خليط متجانس ،ثم نصبه على وجه الكيكة والجوانب حتى كتغطا كاملة ثم نزينوها بالشكلاط ڨرميسال. وهاهي كيكة الشكلاط بالكريم باتسيير واجدة 
بالصحة والراحة

 

قد يعجبك ايضا
اترك تعليقا