خبيزات بالزيتون والفرماج بالصور
خبيزات الطون والزيتون والفرماج
مقادير حشوة خبيزات معمرين بالطون
الطون ـ البصلة ـ الزيتون مقطع ـ فرماج محكوك ـ البصلة الخضارية (الحريف) -فلفلة ـ ملح ـ إبزارـ تحميرة ـ معدنوس
طريقة تحضير الحشوة
تانصهدو البصلة الكبيرة فالزيت ديال الطون
من بعد نزيدو الفلفلة مقطعة
من بعد نزيدو الحريف و الزيتون و نزيدو الملح ـ إبزارـ تحميرة و بلا مانطيبوهم بزاف
و نزيدو الطون و نخليو الخليط يبرد
ملي يبرد الخليط شوية نزيدو الفرماج محكوك و المعدنوس
مقادير العجين
300g دقيق ـ بيضة ـ شوية الملح ـ 60 غرام زبدة ـ 15 غرام خميرة معجونة ـ نصف كاس حليب ـ شوية ديال الماء
طريقة تحضير العجين
تانعجنو جميع المقادير و نجمعو بالماء الدافئ ويكون العجين خفيف شوية و نغطيوه و نخليوه يخمرو شوية
تانقطعوه كواور ههه
وتانطلقوالعجينة غير شوية و نحطو شوية من الحشوة و نجمعوها و نحطوها فالطاوة حتى تخمر
اندهنوهم باصفر بيضة و نرشوهم بالجلجلان و ندخلوهم خبيزات الطون داولنا للفرن
و هاهم واجدين بالصحة و الراحة
