تحضير بان كيك بالسميدة كيجي زوين و خفيف
تحضير بان كيك بالسميدة كيجي زوين و خفيف
مقادير بان كيك بالسميدة خفيف و بنين:
- 2 بيضات
- 4 معالق سنيدة
- 2 كيسان حليب سائل
- نص كاس زيت
- قبصة ملح
- 2 خمارات
- كيس فاني
- 3 كيسان سميدة رقيقة.
طريقة تحضير بان كيك بالسميدة خفيف و بنين:
في اناء كنضربو البيض و سنيدة و الفاني و الملح تم نضيف عليه الزيت و الحليب
و نضرب مزيان ومن بعد نضيف السميدة و الخمارات اخر حاجة حتى كنحصل على عجينة مرخوفة بحال ديال البغرير تم كنعمل مقلة طيفال تسخن و كندهنو ها شوية بالزيت
و نبداو نخويو فيها مغرف من الخليط في الوسط و العافية خاصها تكون مهيلة
باشما يتحرقش و غير كيبان لينا البان كيك بدا يشد فراسو كنقلبوه يتحمر من الجهة الاخرى
و ملي نكمل البان كيك ديالي نقدموه كيف بغينا
يا اما مدهون بالشكلاط او المربى او نرافقوه مع صوص كراميل المهم التزيين كيبقى اختياري .
و بالصحة و الراحة .