شوربة الدشيشة الساخنة بالاعشاب المنسمة لذيذة بالصور
شوربة الدشيشة الساخنة بالاعشاب المنسمة لذيذة بالصور
المقادير
زلافة الدشيشة مغسولة ومصفية + الماء الي يكفي باش تطيب
ملح +ملعقة زيت الزيتون + 2 عواد فلايو + 2عواد السحتر + توم حسب الدوق تقريبا 5 فصوص توم بقشرتهم + ملعقة سكنجبير + ملعقة خرقوم +رشة ابزار+كرافص
الطريقة
كنعملو الما يغلى ونضيف عليه الزيت والملح والاعشاب ولتوم بقشرته مضغوط فقط وباقي التوابل والكرافص عواد لاوراقه صحيح ونخليهم يغلاو واحد 10 دقايق على عافية مهيلة
اما تزولو الاعشاب المنسمة عاد تضيفو الدشيشية او تعملوها بلا ما تزولهم حسب الرغبة
نخليها تطيب مع التحريك مرة مرة وادا نقص الما نزيدو لها باش ما تلصقش لينا ف قاع الطنجربة وتحرق خصها تبقا فيها الما الكافي باش تطيب مزياااان وتعسل
قبل ما توجد كننحك شوييية السحتر بين يدي و كرافص مقطع رقيق وبعدها ب 5 دقايق كنطفي وها سوبة واجدة ولديدة يا سلام
ممكن تضيفو ملعقة صوص الطماطم او طريفات الدجاج حسب الربة انا كنفضها هاكدا بدون هاد الاضافات الاخيرة
