مسمن بالشحمة في الفرن رائع بالصور
العجين
زلافة فورص
نصف زلافة دقيق قمح او فينو
معلقة صغيرة سنيدة
نصف معلقة خميرة حلوة
راس معلقة خميرة خبز
ملح
ماء
الحشوة
بصلة مقطعة رقيقة
فلفل احمر واخضر اختياري
فلفل حار
شحمة(بالنسبة ليا كندوبها ونصفيها ونخليها فبواطة فالمجمد تتجي سااهلة وتذوب كااملة متيبقاوش طريفات)
زيتون مقطع اختياري
ربيع مقطع
ملح/تحميرة/خرقوم/كمون
طريقة التحضير
تنخلطو مقادير العجين ونجمعوها بالماء عادي بحال الرغاايف وندلكوها مزيااااان
نشكلوها كويرات وندهنوهم بالزيت ونخطيوهم ببلاستيك ونخليوهم يرتاحوو
ندوزو للحشوة نعملو البصلة فمقيلة مع شوية زيت ورشيشة ملح ونخليوها حتا تعرق وتنزل شوية عاد نزيدو فلفلة ونخليوهم يطيبو
تم نضيفو توابل خرقوم وتحميرة شوية بزاايد وزيتون وشحمة ونخليو الخليط شي 5 دقائق ينساجمو و ذوب الشحمة نطفيو علا المقلة و نزيدو كامون وربيع
ونخليو حشوتنا تبرد وفنفس الوقت تكون العجينة ارتاحت
ناخدو كويرة من العجين ونورقوها مزيان بالزيت ونعمروها بشوية الحشوة ونطويوها بالطريقة العادية تاع الرغااايف
ناخدو كورة اخرى ونعملو ليها نفس الشيء نورقوها وندهنوها بشوية الحشوة ونوضعو وسط منها الرغييفة لي وجدنا قبل
ونبقاو نعملو نفس الشيء حتا نوصلو لسمك لي بغينا انا استعملت 5 رغيفاات
نخليوها يستراحو شوية بينما سخنا الفران نكرصوها شوية وندخلوها طيب على اعلا درجة عندك فالفران حتا دوز شي 10 دقائق عاد نقصو شوية ونخليوها تكمل طيبابها
منين طيب وتحمر نخرجوها ونقطعوها مربعات ولا حسب الرغبة
وبالصحة والراحة