فقاص بالمشمش والكاوكاو
فقاص بالمشمش والكاوكاو
مقادير فقاص بالمشمش والكاوكاو
3 بيضات
كاس سنيدة
كاس زيت(ممكن نخلطو الزيت وزبدة ذائبة)
نص كاس ماء زهر
2 معالق خل
معلقة نافع (ممكن استعمال حبة حلاوة وزنجلان )
نص كاس كاوكاو محمر ومقسوم (ممكن لوز)
نص كاس مشماش يابس مقطع (ممكن زبيب أو فواكه معسلة)
كيس من خميرة الحلوى
كيس من سكر الفاني
دقيق حسب الخليط
رشة ملح
فقاص بالمشمش والكاوكاو
طريقة تحضير فقاص بالمشمش والكاوكاو
نخلطو البيض مع السكر والفاني مزيااان حتى يذوب السكر
ثم نضيفو الزيت وماء الزهر والخل
ثم نضيفو حبة حلاوة وكاوكاو ومشماش
ونجمعو الخليط بالدقيق ورشيشة الملح وخميرة الحلوة
نقسمو العجينة إلى 4 كويرات
فقاص بالمشمش والكاوكاو
نحربلو الكويرات ونحطوهم في طاوة ( لي تيبغي الفقاص كبير يدير غير 3 حرابل)
نحطوهم في الطاوة ونباعدو شوية بيناتهم ونبسطوهم بايدينا شوية
عاد ندهنوهم بصفار بيضة مع رشيشة نيسكافي وشوية الخل
وهنا السر في الطياااب
خاص نديرو الفقاص في فران بارد حتى ندخلوه عاد نشعلو الفوق والتحت والحرارة تكون ناقصة
من بعد ما نخرجوه نوجدو زيف مفزك ومعسر مزيااان نحطو فيه حريبلات تاع الفقاص ونغطيو عليهم عاد نغطيوهم ببلاستيك ونخليوهم حتى يبردو على خاطرهم ونبداو نقطعو فيهم خاص السكين يكون حااد
نستفو الفقاص في طاوة وندخلوه للفران يكون على درجة متوسطة
باش يتحمر ويتكرمل على خاطرو
وهدا الشكل النهائي لفقاص بالمشمش والكاوكاو
بالصحة والراحة