مقادير شنيك بالتفاح
غ500 فورص
بيضة
نصف كاس زيت
نصف كاس سنيدة
نصف كاس زبدة
خميرة الحلوى
م.ك خميرة
قبصة ملح شوية الما دافيء
نصف ماركرين للتوراق
طريقة تحضير شنيك بالتفاح بالصور
كنجمعو العناصر وكندلكوها مزيان وكنديرو كويرات صغار
ونخليوها جانبا حتى نوجدو التفاح
كنحتاجو 3 أو4 التفحات كبار،كنقشروه وكنقطعوه طريفات
صغار وكنديروه في كاسرونة مع 4 م.ك سنيدة وشوييية الماء
وكندروه فوق العافية حتى كيمشي الماء نهائيا
كنطلقو كويرة
وكنديرو طروفة الزبذة
وكنجيو الجانب وكنحطو شوية الحشوة
وكنديرو الشكلاط فوق الحشوة في كل جهة
وكنغطيو بالعجين
وكنبقاو نلويو حتى نحصلو على هذا الشكل
ثم كنبداو نلفوه على شكل حلزوني كيف المحينشات
كنخليوهم يخمرو
وكندهنوهم بالبيض المخلط مع شوية الحليب أو الخل
وكنرشوهم بسنيدة من الفوق
وندخلوهم الفران اطيبو
بالصحة والراحة.