غرير ساهل بطريقة ناجحة و مضمونة.
البغرير ساهل على طريقتي و عمري بدلتها كيجي خفيف و كيصدق 100 ف 100.
المقادير
كاس كبير سميدة رقيقة
1/2 كاس فينو
ربع كاس فورص
2 كيسان ماء دافئ
معلقة صغيرة ملح
معلقة صغيرة سنيدة أو فاني
معلقة صغيرة خميرة الخبز
1 خمارة
كنخلط جميع المقادير
كنزيد الماء و نخلط مزيان
و كندير الخليط فمولينيكس حتا يتخلط مزيان
و نكبوه فشي اناء ونغطيوه و نخليوه غير حتا تطلع فيه الخميرة يعني متخليوهش حتا يخمر بزاف
نحركوه بشوية من الفوق للتحت و نبداو نطيبو
انا عندي المقلاة صغيرة يعني غير كنكب القياس بلا منحركو بالمغرفة
كنزيد فالعافية حتا كيتقب عاد كنقص عليه
و بالصحة و الراحة و غير جربوه غادي يعجبكم