كيكة بكاوكاو شكل جديد ومداق اروع

كيكة بكاوكاو شكل جديد ومداق اروع
مقادير الكيكة
3 بيضات
2 كيسان صغار زيت
2 كيسان صغار حليب
2 كيسان صغار ونصف سنيدة
رابعة كاوكاو محمر(أنا نسيتو وتحمر بزاااف ) ومقشر ومطحون نخليو منو حفينة مهرمشة للتزيين
2 خميرات حلوى
2 كيسان دقيق ـ ملح
الطريقة
كناخدو الزيت و الحليب و السكر و 5 ملاعق كبار من مسحوق الكاوكاو ونضربوهم فمولنكس حتى يرجع خاتر….ناخدو كاس من هاد الخليط ونحتافظو بيه في الثلاجة للتزيين

الكريمة لي بقات فالخلاط كنزيدو عليها 3 بيضات و نخلط الكل.

في إناء آخر كنجمعو لي بقا من مسحوق الكاوكاوـ ماشي لكاس لي فالثلاجة ـ و2 كيسان الطحين و الخميرة و الملح ونزيدو عليه خليط الكريمة و البيض لي فالخلاط

ونخلط بملعقة خشب و نكبوه فمول دائري أو مربع لي موجود…..فرن 40 د

ملي يطيب كنقسموه على 2 بخيط وكندهنوه بكاس الكريمة لي فالثلاجة

ونغطيوه بالنصف الآخر ولي بقا شوية من لكريمة أو غي بكونفتير ندهنو الوجه ونرشو كاوكاو مهرمش