طارت الطبقات مذاق جديد
طارت الطبقات مذاق جديد
بسم الله
المقادير :
الطبقة 1 الكيكة :
3 بيضات
كاس صغير سنيدة
1/2 كاس زيت
1/4 كاس ماء مغلي مذوب فيه معلقة كبيرة كاكاو (ممكن تزيدي قهوة)
كاس و نصف طحين
1 خمارة
( نفس كاس العبار والكاس يكون صغر من كاس ديال العنبة)
بحال اي كيكة طربي البيض مع السنيدة وتزيدي الزيت والكاكاو ثم الطحين مغربل مع الخميرة
ودخليها طيب
ملي طابت قطعتها على حساب الاطار لي عندي
الطبقة 2 :
1/2 لتر حليب
3 معالق كبار كريم باتسيير
1 بيضة
80 غ شكلاط اسود مذوب مع معلقة صغيرة الزبدة
زلافة صغيرة كركاع محمر و مهرمش
روح كراميل انا استعملت 3 معالق كبار كراميل ديال نيدو
المقادير
روح كراميل :
(نفس كاس العبار)
كاس حليب غبرة
كاس سنيدة
نصف كاس ماء طايب
1 فاني
في مقلاة تتحمري الحليب غبرة مع فاني مع التحراك حتا يتحمر يولي لونو ذهبي
تحيديه من فوق المقلاة وتزيدي عليه سنيدة والما طايب و طربيه فمولينيكس 2 دقايق
تعمليه فالثلاجة حتا يبرد مزيان وهاهو واجد
طربي بالفورشيط البيضة مع غبرة كريم باتسيير وسنيدة وزيديه على الحليب وحركي حتا يعقاد
زيدي عليه الكراميل (ايلا عندك غير نكهة استعمليها من الاول مع الحليب)
ثم الشكلاط مذوب
واخيرا الكركاع
وكبيه على الكيكة ودخليها تبرد على منوجدو الطبقة 3
الطبة 3 :
كاس كبير عصير الليمون
3 فلان شكلاط او كراميل ديال درهم
سنيدة حسب الذوق
حركيه حتا يعقاد وكبيه على الطبقة الثانية غير بشوية انا كنستعمل صفاية باش ميتقبش ليا الطبقة الثانية
دخليها الثلاجة حتا تبرد وزوقيها حسب الرغبة
انا زوقتها بخطوط بدانون دانيت وقطع الشكلاط
وبالصحة والراحة