للحصول على شعر طويل في فترة قصيرة

للحصول على شعر طويل في فترة قصيرة
لسلام عليكم فهاد المضوع غادي نتطرقو لكيفية الحصول على شعر طويل في اقرب وقت و هادشي هوا لي كاندير انا اول حاجة غانقوليكم هيا بعدو من الحرارة و وسائل الحرارة بحال مجفف الشعر و اشعة الشمس ويلا كنتو من المستعملين ديال السيشوار انا كانصحكم تتستعمل واقي من الحرارة غادي تلقاوه عند مول الماكياج باش تقللي نسبة التقصف ثانيا حاولو كل شهر او شهرين يلا بانو ليكوم شي زغيبات مقصفين حيدوهم غير شي 1 سنتمتر ثالت حاجة الماء حاولو تشربو الماء بزاف و تنوعو من الاكل ديالكم بالنسبة للشامبو حاولو تستعملو للي غايوالم شعركم مثلا ايلا كان جاف بحالي ستعمملو شامبوان للشعر الجاف واحد الخطأ اللي كايطيح فيه كولشي هو واحد المشكل ديال زويوت كلشي سحابليه الزيت كادات من بعد الحمام لا و هادا خطأ كبير انا كانسعل زيت املا واخا ريحتها خايبا كانديرها 2 ساعات قبل ماندوش و باش كاتعطي المفعول ديالها اما اللي كاديري من بعد الدوش غير للدهن باش مايبانش شعرك ناشف ماعندا حتى ش فائدة
انا دابا شي شهرين باش قطعت شعري وندمت بزاف و مني كاندير هادشي لي قلت ليكم دابا زاد 2 سنتمتر و هادا بالنسبة ليا انجاز كبير كانتمنا يعجبوكم المواضيع ديالي