الفنانة حورية فرغلي تتحدث عن تشوه أنفها وهذه رسالتها لكل من تنمر على شكلها

بعد الانتقادات التي تعرّضت لها بسبب عمليات التجميل وتشوّه أنفها، أكدت الفنانة حورية فرغلي أنها راضية عن شكلها الآن بعد الخضوع لعدد كبير من العمليات الجراحية في أقل من 8 سنوات لمحاولة استعادة شكلها القديم.
وأكدت حورية في حوارها مع الإعلامية إيمان الحصري على شاشة قناة DMC، أنها أجرت 27 عملية جراحية في 8 أعوام، موضحةً: “من سنتين كنت عايزة أموت مكنتش عايزة أعيش، لأن كان فيه كورونا، والدكتور اللي ممكن يعالجني كان موجود في أميركا والسفارات كلها مغلقة، ومكنتش عارفة أسافر للعلاج، ومكنتش عارفة أبص في المرايا ولا أستطعم الأكل ولا أشم أي ريحة، وبالنسبة لي مكنش فيه فرق بين العيشة والموت”.
وعن تنمّر بعض رواد مواقع التواصل الاجتماعي على شكلها، قالت حورية: “اللي مش عاجبه أي حاجة فيا يبص الناحية التانية مايبصليش، أنا مبسوطة بنفسي، خدت ثقة في نفسي خلال المرحلة التي مريت بها، وأخدت ثقة غريبة”. وأضافت: “بقيت أحمد ربنا على أي حاجة والحمد لله على شكل أنفي، وأي حاجة ربنا عملها فيا، وفي الفترة الماضية حاولت أتقرب من ربنا وأصلي وأقرأ قرآن، لكن كنت حاسة إن في حاجة مش طبيعية وكنت حاسة إني في منطقة سوداء، حسيت إني جالي اكتئاب”.