بليغات معسلين

بليغات معسلين
لمقادير
زلافة زلجلان =500غرام+محمر شوية وكنطحن منو شوية+زلافة دقيق الفورص+2 بيضات+نص كاس الخل+نص كاس زيت+3لمعالق كبار زبدة مدوبة+معلقة ميزينا يلا موجودة+معلقة صغيرة النافع مطحون+معلقة صغيرة خميرة الخبز+ومعلقة متوسطة خميرة الحلوة+2معالق ماء زهر+وحد 100 غرام لوز مصلوق ومحمر ومطحون ملين يلا موجود كيعطي نسمة مزيونة
زيت للقلي والعسل انا طيبتا
ملاحظة يلا هدشي متجمعش دقيق زيدو الحليب دافي لان على حسب دقيق انا جمعت هد المقادير وزدت دقيق ستعملت كتر من دقيق اللي دكرت
الطريقة
جمعت
كل المقادير والعجينة مرخووفة دلكتها شوية وسرحتا بالمدلك وطبلا رشيتا
بالفورص مخلط مع ميزينا الفورص بوحدو كيقصح العجينة اللي كتبقى سرحتا
رقييقة وقطعت بالجرارة مربعات صغار وشكلتهم بليغات وملي تجمعو البليغة
لصقوها مزيآآان بش متحلش فزيت وللي بغا يلصقم بقرنفلة انا مكنديروش شوية من
العجينة قطعتا دوائر فصورة يبنلكم كيفاش درت 2 شكال وقليتهم وطفيتم فالعسل
وكل وحدا درت فيها لوزة محمرة