موقع اناقة مغربية وشهيوات و وصفات حلويات المغربية للمرأة المغربية الحادكة

لتحضير الدجاج المحمر على طريقة طباخات الاعراس المغربية


تحضير الدجاج المحمر على طريقة طباخات الاعراس المغربية

djaj btari9at la3rasat
شكون عزيز عليه دجاج الأعراس ؟!
جبت لكم اليوم طريقة طهي دجاج الاعراس على الطريقة المغربية طريقة خديتها من واحد طيابة ممتازة
جربوها و ردو علي:
الدجاج غسلاتو مزيان عاد دارتو فالحامض عاد فالملحة دارتو فشبكة يتقطر
هاد المقادير ل 8 دجاجات:
دارت 2 ديال ريوس التومة كبار نقاتهم وحكاتهم رقاق
دارت 2 دالقبطات القزبور كرداتو رقيق
معلقة كبيرة ابزار
2 معالق سكينجبير
معلقة ك خرقوم بلدي
2 ساشيات خرقوم ملون
زعفران شعرة
زيت بلدية و رومية عينها ميزانها
سمن معلقة كبيرة
عود القرفة
بصلة مشلضة 1كلغ لكل طير
هاد المقادير ل 8 دجاجات
الطريقة:

الدجاج كلو شرملاتو بالليل بالتوابل خلاتو يبات بش يشرب الشرمولة, الغد ليه دار تليه الخيط ملي بغات تردو يطيب وكتمرق بالماء عينها ميزانها مع القياس ديل البصل باش يطيب الدجاج، ماشي البصلة كلها .الكبدة قلاتها فالزيت عاد زاتها للمرقة ولبصلة الباقية مادارتها حتى هزات الدجاج يتحمر , وكتحرك مزيان فوق العافية باش تجينا هديك الدغميرة الزوينة ولكبدة تفرتت… ولاحت في لمرقة اللب ديال الحامض مصير والزيتون. أما الدجاج كدهنو بالزبدة عاد كاتحمرو .

djaj btari9at la3rasat 1

قد يعجبك ايضا
عرض التعليقات (3)