مصاصة للوليدات الصغار صاوبيها بالموجود عندك وتغنيك على ديال المحلات
هاد النوع من الحلويات عندها طرق كثيرة كل واحد وطريقته في صنعها أنا غادي نقدملكم واحد الوصفة ولي ماشي ضروري نتقيد بالمكونات كلها، الأساسي فيها الكيك والشكلاط والحليب المركز أو العسل لجمع العجين.
المقادير:
300g كيك مصنوع في البيت أو جاهز (جينواز أو أي نوع كيك عادي ) أنا شريتو جاهز
100g شكلاط أسود أو بالحليب مدوب
100g لوز نحمرو ونطحنه مزيان
100g حلوة الترك إختياري ماشي ضروري ولكن تعطي طعم لذيذ
100g حليب المركز المحلى أو كراميل
للتزين:
شكلاط أسود مذاب
جوز الهند “الكوك”
ممكن عمل حبيبات الشكلاط أيضا
الطريقة:
نأخد الكيك نفتوه مزيان نضيف الشكلاط نيستلي حلوة الترك والبراليني نعجن هاد المكونات مع بعض حتى نحصل على عجين متماسك نشكلو كرات و نأخد عود سواء الأعواد المخصصة ل Cakes Pops أو عود الخشب نعمل الرأس في الشكلاط وندخل فيه الكرة ونخليه جانبا حتى ننتهي من كل الكرات ندخلهم 30 دقيقة لي التلاجة باش العود يمسك جيدا
من بعد نعملهم في الشكلاط ونأخد علبة نعمل فيها ثقب صغيرة ونضع فيها Cakes Pops باش يبقى الشكل كما هو وحتى إلى الشكلاط سالت تسيل على العلبة نزين الرأس بالكوك إلي عملت فيه ملونات أو فقط بالشكلاط نعمل خطوط و التزيين على حسب المتوفر في البيت والرغبة ديال كل شخص هاد شي إلي نقدم يبقى إقتراح فقط.
بالصحة والراحة