جبت ليك طريقة ساهلة توجدي بيها حريشات صغار فالفران كيجيو غزالين شهوة منهم وكيذوبو فالفم
- المقادير :
- 500غ السميدة الرقيقة
- 70غ زبيب مرطب فما زهر و مقطع
- معلقة كبيرة النافع محمر شوية
- معلقة كبيرة طحين فورص
- كاس سنيدة
- كاس الحليب
- 1/2 كاس الزيت
- معلقة كبيرة الزبدة
- معلقة كبيرة الزبدة
- كيس من خميرة الحلو
- كيس الزهر
- قريصة الملح
- سميدة غليظة مرملة بشوية الزيت و سنيدة وراس معلقة صغيرة خميرة الحلوى للتزيين
- إليك سيدتي طريقة التحضير :
نخلط السميدة والطحين ،السنيدة ،قريصة الملح،كيس الزهر ثم الزيت والزبدة ونرملوها مزيان نزيد خميرة الحلوة ثم الزبيب والنافع ثم نجمعوها بالحليب حتى نحصلو على عجينة رخوة نخليوها ترتاح 10 دقايق ، نبللو يدينا فما الزهر لي رقدنا فيه الزبيب نمرمدوها فسميدة غليضة و نعملوه كريصات صغار ندخلوها طيب فالفران يكون سخون و نشعلو غير الفوق حتا تشقق و تحمر عاد نشعلو التحت - ثم نقدمها بالصحة والراحة