ملوي صغير معمر بالكفتة كيجي غزال من عند جارتي بغيت نشارك الوصفة معاكم
الحشوة :
150غ كفتة
نضيف ليها ربع بصلة و رربع فليفلة خضرا و شوية فلفة حمرا حارة ملح و ابزار و كمون و نعاودو نطحنو الكل للحصول على خليط رطب
مقادير العجين : 250غ دقيق تقريبا زلافة كبيرة
نضيف ليها ملح و رشيشة السكر
و رشيشة الخميرة معجونة
وملعقة زيت بلدية
ونعجن الكل بالماء مزياااااااااان
ونشكل كريات بحجم صفار بيضة و ندهنهم بالزيت و نخليهوم يرتاحو
نبسطوا كل كويرة بالزيت و نعملو مسحة خفيفة من الكفتة نلويها على بعضها
ثم نشكلها ملوية صغيرة ونفس الشيئ بالنسبة لباقي الكريات ، ونبداو نطيبو من اول وحدة عملناها نبسطوها خفيف لانها صغييرة و نطيبها مع رشيشة خفيفة من الزيت
ثم نقدمه بالصحة والراحة