الفلفلة ومطيشة معمرين بالكفتة والروز بالخطوات المصورة
الفلفلة ومطيشة معمرين بالكفتة والروز بالخطوات المصورة
المقادير :
فلفلة منقية من الزريعة ديالها
مطيشة منقية من الزريعة ديالها
الروز
الكفتة
الصوص
طريقة تحضير الفلفلة ومطيشة معمرين بالكفتة والروز بالصور
نصلقو الروز في الماء مع الملح وشوية لبزار وشوية الزيت
والكفتة نشحروها فلمقلة مع زيت لعود،ملح،ابزار،عاد نخلطوها مع الروز
ومن بعد نعمرو بيها الفلفلة ومطيشة
الصوص :
نقلّيوها شوية فالطنجرة مع البصلة مشلضة ملح،ابزار،سكنجبير،ربيع،خرقوم بلدي،خرقوم ملون،صلصة د طماطم،ورشة سنيدة باش متجيش حامضة، ضرس ثوم.
منين وجدات نكبوها على الفلفلة ومطيشة
ونغطيو لمول بالالمنيوم وندخلوها لفران
وهاهو الشكل النهائي للفلفلة ومطيشة معمرين بالكفتة والروز
بالصحة و الراحة