كراتان البطاطا و البيض المسلوق (بالصور)
مقادير الصلصة :
كيلو بطاطا
200 مل كريم فريش
2 فرماجات و اي فرماج اخر عندك
كاس صغير حليب
موطارد
مقادير البيشاميل :
م الزبدة-2 م الدقيق-كاس كبير حليب-شوية الكوزة-ملح-ابزار-جبن
مقادير الحشوة :
نصف كيلو كفتة +3 بيضات مسلوقين
2 بصلات مشنفين+2 ضروس تومة+شوية الزيت
زيت البلدية+صلصة الصوجا+معلقة تحميرة
معلقة سكينجبير+نصف معلقة ابزار
معلقة كامون+شوية الخرقوم +ملح
شوية المعدنوس+الهريسة
طــريقة التحضــير:
نأخد كاس حليب مع فرماج و الموطارد و الكريم فريش والسر ديال البنة راس المعلقة ديال السمن لي بغى يديرها و ملح و ابزار وشوية ديال الكوزة و درتهم فوق البوطة على نار مهيلة
ناخد البطاطا كنقطعها قطع صغيرة و كنسلقها مع شوية الملح و الزيت
وزدت عليهم البطاطا بعد ما صفيتها و بديت كنخلط الخليط ديالي باش يولي بحال Purée حتى يعقاد بحال العجينة
طريقة تحضير الحشوة:
أولا نأخد البصلة و الربيع و التوابل مع الصوجا و الثومة و الهريسة يتقلاو مع الزيت
حطيت الكفتة مع كاس ديال الما و خليتها تشحر حتى طابت
ملي طابت زدت عليها الزيت البلدية و خليتها تطيب حتى نشفات
طريقة تحضير البيشاميل :
كندوب الزبدة و كنزيد الدقيق كنخلي كلشي يطيب عاد نزيد الحليب و الجبن و الملح الابزار الجوزة ملي يعقاد نطفي البوطة و نخليه يبرد
طريقة تقديم في الطبق:
اولا نأخد المول ديالي و نبدا بالبشاميل
قسمت البطاطا الى نصفين و حطيت طبقة ديال البطاطا
وطبقة ديال الحشوة ديال الكفتة
ومن الفوق القليل من البشاميل و البيض المسلوق المقطع إالى نصفين
وفي الاخير زدت طبقة ديال البطاطا و البشاميل من الفوق
دخلتها الفران حتى تحمر اخيرا زدت الفرماج محكوك مازدام أو فرماج أحمر
وهاهي وجدات