موقع اناقة مغربية وشهيوات و وصفات حلويات المغربية للمرأة المغربية الحادكة

طريقة عمل بقلاوة بالمكسرات لرمضان راائعة


طريقة عمل بقلاوة بالمكسرات لرمضان راائعة
المقادير:

  • عجينة الفيلو اشتريتها جاهزة
  • مكسرات
  • جوز فستق لوز حمرتهم شويه في الفرن طحنتهم في المطحنه الكهربائة خليتهم خشنين
  • زبدة النوع الجيد
  • مزهار
  • قرفة
    مقادير السيرو
  • كاس ماء
  • كأسين سكر خشن
  • ملعقة كبيرة مزهار
  • ملعقتين كبيرتين عصير. حامض
    الطريقة :
    نحمرو المكسرات اي نوع عندنا انا استعملت جوز بيستاش لوز حمرتهم هرمشتهم ضفت لهم ملعقة صغيرة قرفة وملعقتين مزيان خلطتهم مزيان
    زبده نعملها تذوب مزيان كنخليها حتى تعمل فقاعات وتشرب كاع الماء لي فيها
    عجينه الفيلو ناخذو وحده ندهنوها مزيان بالزبده و ناخذو المكسرات نستفوها بشكل افقي على العجينه اما باقي العجينه نرشوها بالمكسرات ويكون عندنا عود طويل رقيق نحطوه جنب المكسرات بشكل طولي ونطويو عليه العجينه ناخذو عجينه ثانيه ندهنوها مزيان بالزبده و نحطو العجينه الاولى لي عمرنا بالمكسرات ونلويوها مرة اخرى بنفس الطريقة بالنسبه لي عملت عجينه وحده فقط ومن كملتها بقيت كنكحز العجينه من الجوانب للوسط بحال كيف كنعملو للستائر من كنقربوهم باش يجي الشكل ديالهم مزيان حنا كندفعوا العجينه من الجهتين للوسط العجينه كتدخل في بعضها كتعطي شكل زوين لي مفهامتش الطريقة تتفرج يوتوب و العود لي كنعملوا لداخل كيساعدنا على هاد العمليه وكنزلوه كنكملوا بنفس الطريقة ومن نكملوهم ندهنوهم بالزبده من الفوق مزيان ونكونو سخنا مزيان الفران ونقصوله ل 160درجة ونشعلو لعشر دقائق غير من لتحت عاد نذعلو من الفوق يتحمرو مزيان وقبل ما كندخلوهم الفران كنقطعوهم بالموس عاد ندخلوهم يطيبو
    كنعملو. كاس الماء والسكر يطيبو على نار مهيلة حتى نشوفو الخليط بدى كيتقال نضيفوا ملعقتين مزهار ملعقتين عصيرحامض دقيقتين نطفيو عليه من تتحمر مزيان البقلاوة نزولوها من الفران نسقيوها مباشرة بالسيرو نخليوها تتشرب و بالصحه والراحه.
قد يعجبك ايضا
اترك تعليقا