حلوة هشيشة ومذاقها روعة
حلوة هشيشة ومذاقها روعة
مقاديرها بساااط فيها
رابعة زبدة
كاس صغير زيت
كاس صغير و نص سنيدة
نص خمارة حمرة
قبصة ملح
قشور حامضة محكوكة
3 صفر البيض مسلوق
الطحين اللي يجمعها
نخدمو الزبدة مع سنيدة ونزيدو الزيت و قشور الحامض ومن بعد نزيدو صفر البيض والملح ونص خمارة حمرة
ونجمعوها بالطحين الكافي
كانقصمها كورات ونديرها بميكة باش نخدم كل كورة بوحدها
نطلقها بالدلاك مابين زوج بلاستيكات باش كاتسهال العملية وماتاتلسقش بالدلاك او بالرخام ونقطعها الشكل اللي عجبني ويمكن نديرها كويرات صغار المهم الشكل اللي بغيتي
وندخلها للفرن ومللي تطيب نديرليها الشكلاط ونزينها كيف بغيت صدقوني مداقها تايجي راائع وتاتجي تادوب فالفم
نتمنى تعجبكم هاد الحلوة وتجربوها
شكرا امال على هذه الوصفة