كيكة بفلان الشكلاط ومسقية بالكراميل بالصور
من الاخت فرح و مرح
كيكة بالشكلاط و الكراميل
مقادير: كيكة بالشكلاط و الكراميل
4 بيضات
كاس سكر سنيدة
كاس ماعامرش زيت
دانون ڤاني
فلان شوكولا (79غرام)
معلقة كبيرة كاكاو
خميرة الحلوة (15غرام)
2 كيسان دقيق
كيف ماجرات العادة نطربو البيض والسنيدة هما الاولين
من بعد نزيد دانون والزيت
وفلان شوكولا والكاكاو
وفي الاخير الخميرة د الحلوى والدقيق
وفي التالي نعملهم في المول والى الفرن لي مسخن على 200 درجة مدة نصف ساعة تقريبا
على مايطيب الكيك نوجد الكاراميل غانحتاج
كاس سنيدة
معلقة كبيرة زبدة
دانون ڤاني
كاندير الزبدة والسنيدة في كاسرونة ونديرهم فوق عافية مهيلة بلا مانحرك ماوالو راه الخليط بوحدو غا يتكاراميليزا
نطفي عليه ونضيف ليه دانون ونحرك مزيا ا ا ا ا ان
هنا الكيك مني طاب
نحيدو من المول ونخوي فوقو الكاراميل كامل وخا يكون فائض ماشي مشكل لانه غايشرب
انا زدت حبيبات الشكلاط هادا كان اختياري لامابغيتوش خليوه غي بالكاراميل
كيكة بفلان الشكلاط ومسقية بالكراميل بالصور