كيك رولي بكريمة القهوة لذيذ بالصور.

كيك رولي بكريمة القهوة لذيذ بالصور.
كيف الحال اخواتي نتمنى تكونوا في افضل الاحوال ان شاء الله

اليوم اخواتي غادي نشارككم بها كيك رولي كيجي رائع و هشيش و رطب جدا اجدا مع كريمة القهوة كيجي اروع نتمنى يعجبكم

بالنسبة للكيك او الجينواز

– 3 بيض بحرارة المطبخ

-100 غ سكر سنيدة

-100 دقيق

– خميرة حمرة

كنطرب البيض و السكر مزيان حتى يدير الرغوة

ثم كنضيف الدقيق مغربل

ثم كنضيف الخميرة في الاخير

ثم كندير الخليط فمول مغلف بورق الاليمنيوم ومدهون بالزبدة و مرشوش بالدقيق

ثم كندخلها لفران سخون لمدة 10 دقائق ماخصهاش تتحمر

ثم كنقلبها فمنديل فازك و كنلويها و نخليها تبرد

ندوزو لتوجاد الكريمة غادي نحتاجو :

-كاس الماء

-2 معالق سكر

-2 معالق مايزينة

-2 معالق كاوبيل

-2 معالق نسكافي

-2 معالق زبدة

كندير الما بالكاصرولة ثم كنضيف مايزينة و ونخلط مزيان حتى تتطلق ثم كنضيف نسكافي و الكاوبيل عاد الزبدة

ثم كنديرها فوق البوطة حتى تعقاد و نخليها تبرد

ملي كتبرد الجينواز كندهنها بالكريمة و نلفها ثم ندهنها كلها

ثم كنزينها ب فيرميسال الشكلاط