طريقة تحضير طورطة باردة ورائعة بالحامض بالصور
- 200غ البسكوي
- 80غ الزبدة مدوبة
- حامضة
- 2 بياض البيض
- 200 مل القشدة الطرية
- 50 مل ديال الماء
- 60 غ السكر
- 4 اوراق الجيلاتين
- عصير حامضة
- 3 م ك ديال سنيدة
- 2 اوراق الجيلاتين
- نقيطات من الملون الاصفر
حكي قشرة الحامضة و من بعد عصريها
ديري وريقات الجيلاتين يترطبو فالما عادي و خودي كسرونة ديري فيها الماء مع السكر حتى يسخنو مزيان زوليه من فوق البوطة و زيدي عليه الجيلاتين ملي يدوبو زيدي عليهم قشرة الحامض و العصير المتبقي و خليهم على جنب يبردو بينما حضرتي لكريم شونتييه
بالنسبة لشونتييه خودي لكريم فريش تكون باردة مزيان و طربيها حتى تولي كريم شونتييه من بعد زيدي عليها خليط الحامض مع الجيلاتين و خلطي حتى تندمج العناصر
اما بياض البيض ضربيه حتى يولي عامل فحال الثلج و زيديه على الشونتييه لي خلطتيها مع الحامض و الجيلاتين
خرجي المول من الثلاجة و ضيفي عليه الخليط رجعي دخليه لثلاجة مدة 3 ساعات على الاقل المهم حتى يتجمد مزيان غير فالثلاجة الفوق ماشي فالمجمد
رطبي 2 وريقات الجيلاتين فالماء و فكسرونة ديري عصير حامضة مع السكر و ديريهم فوق البوطة على نار مهيلة حتى يذوب السكر الى ما كانش في الحامضة الماء بزاف ممكن تزيدي شويش ديال الماء من البعد ما دوب سنيدة زوليه من فوق البوطة و زيدي عليه الجيلاتين و نقيطات من الملون الاصفر و خليه حتى يبرد عاد زيديه على الموس و دخليه لثلاجة مرة اخرى على الاقل 4 ساعات و مثلا الى صوبتيها اليوم و خليتيها حتى الغد غدي تكون النتيجة افضل و زينيها باش ما بغيتي
هاهي طورطة واجدة