رغيفات السبولة هشيشة ومعسلة بالصور
المقادير
كيلو طحين
رابعة زبدة ماركارين
2 معلقات كبار خل
خمارة فاني
خمارة حمراء
قبصة ملح
الماء الدافئ لجمع العجين
الطريقة
نخلطو الطحين مع الزبدة ونفركوها بيدينا حتى ندمجو الزبدة مع الطحين من بعد نزيدو الخل والخمارات ونجمعو العجين بالماء وعطيو الدليييييييييييييييييك ولكن خليو لعجينة قاصحة من بعد قسموها كورات ودلكو كل وحدة بالدلاك من بعد دوزوها فالماكينة دالشباكية حتى تولي رقيقة من بعد قطعو وشكلو قطعو معينات بالجرارة وكل معين ديرو وسطه شريطة بحال الشباكية
من بعد جيبو كل معين ديروه فوق الاخر ديرو تقريبا 4 او 5 واحد فوق الاخر
لالة مولاتي .نت
حلو ديك الشريطات ودخلو فيهوم القنت الفوقاني ديال المعين من التحت
لالة مولاتي .نت
جرو القنت من فوق الشريطات وتخرجليكوم فهاد الشكل بحال السبولة
من بعد قليو فالزيت سبولات ديانا ونطفيوهوم فالعسل وبالصحة والراحة
هاكدا تتجي الرغيفة ديالنا خفيفة وهشيشة ومعسلة