الروز بالكلمار
أول حاجة نضفو الكلمار
ناخدو مقلى نديرو فيها زويتة بلدية و الثوم نشحروهم شوية
نضيفو فلفلة حلوة كيف تشوفو في الصورة نحركو شوية و نزيدو الكلمار
من بعد المعدنوس مقطع ملح و بزار شوية خرقوم
نشحروهم ما بين 5 و 10 دقائق
نغسلو الرز مزيان و نصلقوه 5 دقائق حسب كل نوع من الرز لأن كاين لي إطيب بسرعة و كاين لي إهز طياب
المهم نخليوه إيطيب نص طياب
من بعد نصفيوه نديروه في الطنجرة أو المقلى لي غادي إيطيب فيها و نديرو فوقو الكلمار لي وجدنا نسدو الطنجرة و نديروها على نار هادييييييا
ما يحتاج وقت كثير
و ها الروز
بالصحة و الراحة