السفة المدفونة بطريقة جديدة وسهلة بالصور
موضوع من عند اختكم ام رياض
السلام عليكم ورحمة الله وبركاته,هاد طريقة ديالي فالسفة المدفونة
نبدا بسم الله الرحمن الرحيم بالسفة ندهنوها بالزيت ونفوروها كيما كتعرفو على 3 لمرات
فطنجرة نستف 2 بصلات مشلضين و نستفو دجاج بدون جلد نضيفو زعفران ملح سمن خرقوم بلدي بزار سكنجبير قبطة ربيع ثوم
و نشحروهم
نضيفو شيية لما و نخليه يطيب حتى تولي لمرقة خاترة
و نزولو ربيع و نعزلو دجاج و نحيدو ليه لعظم و نفرتوه
نردوه لمرق
ناخد سفة نضيفو عليها شوية لمرق ونخلطها
ناخد مول نوضغوه فوق طبق تقديم و ونحط نصف سفة
نحطو دجاج مع لمرق
و نغطو بالسفة
ونزوقوها,انا سلقت لبرقوق و شريحة و عسلتهم و دوزتهم فزنجلان وستفتهم ورشيت لوز محمر و لبيض
بالصحة و الراحة