تحضري العجين عادية ديال المسمن
ب 2 زلايف ديال الفرص و شوية الملح و الخميرة ديال الدار و تعجنيها بالماء الدافئ و تكوريهم باش يرتاحو
الحشوة : 2 خيزويات و الكرعة الكرعة الخضراء محكوكين في الحكاكة الغليظة ، الزيتون الأخضر و الأسود مقطعين دوائر
و تضيفي الملح و الابزار و الزعفران و الكامون و معلقة من مطيشة الحك و معلقة كبيرة من الزيت البلدية و ممكن تضيفي الكفتة أو طريفات اللحم حسب المتوفر
تكرصي العجين مدورة و تعمريها بالحشوة ثم تطويها على 4 و تخليها ترتاح و فاش تكملي الكل تحاولي تدوري كل واحدة على شكل هلال ثم تدهني الوجه بأصفر البيض في فرن ساخن و تطيبيهم من تحت ثم من فوق و تقدميهم بالصحة و الراحة
