خبيزات بحشوة الشكلاط بالصور
هاد الخبيزات كيجيو هشاش ورطبين وكيعجبو الكبار والصغار وساهلين
المقادير والطريقة
500 غ فورص – دانون طبيعي مسوس – 1 م ص ملح – معلقة كبيرة ونصف خميرة الخبز – 3 م ك زيت المائدة – 1 م ك سنيدة – حليب دافيء للعجين ( الكافي لجمع العجين )
للحشو : شكلاط – املو خاثر.
للدهن : بيضة مع شوية نسكافي للدهن .
دوبي الخميرة في شوية الحليب مع سنيدة حتى يضاعف الحجم وزيديها على كل المكونات ومرة مرة زيدي الحليب دافي حتى تجمعي الخليط ويكون العجين رطب ماشي قاسح ومرخوف شوية دلكيه غير شوية وغطيه حتى يتضاعف حجمه وعاود دلكيه لثواني باش تخرجي غير الهواء منو وشكليه كيف ما واضح في الصورة وخليه يخمر مرة اخرى ودهنيه بالبيض ونسكافي ودخليه للفرن وبالصحة والراحة.
