اليوم قلت نزل ليكم واحد الوصفة ديال البتزا بفواكه البحر, ما تعكزوش و جربوها راها كتجي زوينةبزاف.
بسم الله
نبداو مع مقادير العجين :
200 غ دقيق
1 معلقة كبيرة خميرة الخبز
1 معلقة صغيرة خميرة الحلويات
1 معلقة كبيرة زيت الزيتون
1 معلقة صغيرة سنيدة
الملح حسب الدوق
ماء دافئ
نخلطو المكونات الي عندنا مع اضافة الماء الكافي و ندلكوالعجينة ديالنا.
ملي تولي العجينة ديانا رطبة ندهنوها بشوية ديال الزيت ونغطيوها ونخليوها ترتاح.
نبداو في تحضير صوص البيتزا ,
غادي نحتاجو :
زلافة من الكروفيت مصلوق
زلافة من الكالامارمصلوق
علبة صغير ديال الفطر
كاس صغير من الكريمة الطرية
زلافة من جبن الموزاريلا
شوية ديال الزعيترة
زيتون اسود
1 معلقة كبيرة مطيشة
بصلة صغيرة محكوكة
2 ضروس ثومة محكوكين
الملح و الابزار
زيت الزيتون
وضعي شوية ديال زيت زيتون في المقلة الي غادا تستعملي +البصلة+ الثومة + الملح و الابزار+ خليهم اتقلاو شوية ثم ضيفي مطيشة , و خليهم اطيبو مع التحريك.
من بعد ضيفي الكريمة و خليها تغلى شوية حتى يولي الخليط كريمي.
وطفي عليها.
سرحي العجينة فالمول و ثقبيها بالفورشيط و دهنيها بمعلقة صغيرة ديال زيت الزيتون.
سرحي عليها صوص ماطيشة ووضعي نصف كمية الموزاريلا { هدا هو السر باش تجيك كتجبد} و شوية ديال الزعيترة
ثم ضيفي الكروفيت و الكالامار و الفطر
ومن بعد الزيتون الاسود.
دخليها تطيب , ما تكونش الحرارة كثيرة باش ما تحرقش ليك من التحت.
ملي تطيب و كيف ما تخرجيها من الفران ديري فوقها الموزاريلا لي بقات.
الا بغيتي يمكن دخليها للفرات طافي باش يدوب الموزاريلا.
وهاهي البيتزا وجدات
كتجي راااااااااااائعة
الصورة كتبين كلشي.
بالصحة و الراحة
ما تنساونيش بدعيوات الخير