مورقات بكريمة اللوز والكلاصاج بالصور
مقادير الكريمة
500 عجين مورق
25 بدرة اللوز
25 زبدة لينة
25 سكر كلاصي
25 بيض
10 دقيق
قشرة الحامض
مقادير الكلاصاج
125 سكر كلاصي
25 أبيض البيض
15 دقيق
لتزيين
3 معالق كبار مربى المشماش
تنخدم الزبدة مع سكر كلاصي تنضيف لها البيض مع قشرة الحامض
أنا استعملت أصفر بيضة مع شوية من البياض أو نخلطو البيضة كاملة
و نضيفه بشوية ثم بدرة اللوز و الدقيق تنخلط الكل و تنحصل على كريمة
تنطلو العجين رقيق و تنقطعوه مستطيلات يكون العرض ديالها 10 سنتيم
تنأخذ نصف المستطيلات تندهنو بطبقة رقيقة من الكريمة اللوز
و تنغطي بالعجين تنضغط عليهم شوية باش يلصقو على الكريمة
لتحضير الكلاصاج تنخلط سكر كلاصي مع أبيض البيض ثم الدقيق
تندهن الكلاصاج على وجه المستطيلات و تندخلهم واحد الساعة لثلاجة
تنخرجهم تنقطعهم بسكين الى مستطيلات عرضها 3 سنتيم و تنوضعهم في طاوة
تنأخذ المربى يكون مصفي تنوضعو في قمع من ورق الزبدة
تنقطع راس القمع وتنعمل به خطوط مائلة ثم تنعمل خطوط معاكسة
تندخلهم الفران يطيبو على 200 درجة