طريقة تحضير كيكة باللوز و الكركاع سهلة ورائعة
طريقة تحضير كيكة باللوز و الكركاع سهلة ورائعة
مقادير :
- 2 كيسان و نصف طحين
- 3 خمارات حلوى
- 5 البيضات
- كاس الا ربع زيت
- ربع كاس ما زهر
- كاس فيه الثلث كركاع والثلث زبيب و الثلث لوز
للتزيين :
- لوز و كركاع صحاح
- لوز و كركاع مهرمشين
- عسل
سيرو :
- كاس و نصف سنيدة
- كاس ونصف ماء
- كاس ما زهر
طريقة تحضير:
نهرمشو اللوز و الكركاع ونحمروهم فالمقلة
ونقطعو الزبيب
في اناء كنخلطو البيض و الزيت و الما زهر مزيان, وكنزيدو عليهم الطحين و الخمارة ديال الحلوة
ونزيدو فالاخير الكركاع والزبيب و اللوز
ملي نخلطو كلشي مزيان ونجيبو المول ندهنوه بالزيت, و الدقيق ونكوبو العجينة ديالنا
وندخلوها لفران يكون سخون من قبل وفهاد الوقت نوجدو السيرو نديرو السنيدة والما فوق العافية و نبقاو نحركو وملي يولي
متجانس نحيدوه من فوق العافية ونزيدو فيه الما زهر
ونديرو لوز والكركاع صحاح فالسيرو ومن بعد فالعسل
نديرو تقيبات صغار بالموس ونسقيو الكيكة بالسيرو والعسل
ونزينو الكيكة باللوز والكركاع لي درنا فالسيرو و العسل
و بالصحة و الراحة.