طريقة تحضير كيكة بالماء سهلة ولذيذة
طريقة تحضير كيكة بالماء سهلة ولذيذة
المقادير :
- 2بيضات
- كاس ماء
- كاس زيت
- كاس سنيدة
- 2 خمارات
- 2 فاني
- ساشي كاوبال
- 2 كيسان الدقيق
- ملح
للتزيين :
- ياغورت شوكولا
- كركاع أو الكوك(حسب الرغبة)
طريقة التحضير :
نضربوا الماء + كاوبال + سنيدة + فاني + زيت في الخلاط الكهربائي حتى يعقاد شوية ننقص منه 3 معالق و نديروها في الثلاجة.
في اناء اخر نضربوا البيض مع شوية الملح بالباتور حتى يولي مكشكش و نضيف اليه الخليط الاول ثم نضيف الخميرة و الدقيق و نخويه في مول مدهون مرشوش بالدقيق.
ملي طيب و تبرد ندهنوها بدانون بالشكلاط مخلط مع 3 معالق لي احتفظنا بهم في الثلاجة و التزيين حسب الدوق.