طريقة تحضير كراتان بطاطا سهلة و لذيذة
طريقة تحضير كراتان بطاطا سهلة و لذيذة
المقادير و الطريقة:
نص كيلو بطاطا دوائر ونصلقها نص صلقة مع الملح وورقة موسة و طريف زبدة ونديرها في مول زجاج مدهون بالزبدة ونقطع البصلة دوائر او شرائح ونشحرها مع شوية الزيت و الملح ونديرها فوق من البطاطا
وممكن اضافة الكفتة مشحرة كطبقة اضافية ونسقي في الاخير بالصلصة
الصلصة : كاس كبير الحليب فيه 3 بيض + ملح + ابزار + قبصة زعتر + الربيع + فرماج محكوك + م ص حليب بودرة + ثوم غبرة اختياري ونطرب مزيآن ونخويه فوق المول وندخلها الفران.