لالة مولاتي تقدم لكم اروع عجينة البيتزا والفطائر الى جربتوه ماتقدروش تستاغنيو عليه
لالة مولاتي تقدم لكم اروع عجينة البيتزا والفطائر الى جربتوه ماتقدروش تستاغنيو عليه
مقادير عجين البيتزا:
- 1 دانون مسوس وهذا هو سر نجاح العجين
- 3 معالق حليب غبرة
- 2 معالق كبار زيت زيتون
- معلقة خميرة ديال الخبز
- معلقة سنيدة
- معلقة صغيرة ملح
- معلقة صغيرة زعتر
- الطحين على حسب الخليط
- نص كاس ماء سخون
طريقة تحضير عجين البيتزا:
♦في الأول وقبل ما نبدا ب 10 دقايق خذيت الماء سخون ضفت ليه معلقة خميرة وسنيدة والملح
♦بعد 10 دقايق خلطت باقي العناصر لي هي دانون مسوس + زيت بلدية + حليب غبرة وزعتر ضفت ليهم الماء لي فيه الخميرة وضفت الطحين الكافي ، تقريبا حتاجيت4 كيسان ، المهم خص العجين تكون مرخوفة مزيان
♦ملي نكمله نغطيوها ونخليوها تخمر مزيان ، من ساعة حتال ساعة ونص على حسب الجو ، المهم حتى يضاعف الحجم ديالها ، من بعد كنبسطها ونديرها في الطاوة لي غادي تدخل للفران وايضا كنخليوها ترتاح شوية عاد نديرو ليها الحشوة لي بغينا
أنا من بعد ما خمرات درت فوقها مباشرة صوص مطيشة وزيتون وفرماج محكوك وزعتر ودخلتها للفران