طريقة تحضير طورطة باردة بالشكلاط

طريقة تحضير طورطة باردة بالشكلاط

المقادير والطريقة:

الطبقة الاولى:
3 بيضات، 1 كاس سنيدة، ربع كاس زيت، ربع كاس ماء غليان ندوبو فيه 1 معلقة كبيرة كاكاو، كاس و نصف دقيق، 1 خمارة حمراء.
ملي ينضج الكيك كنخرجوه من الفران ونسقيوه بالسيرو ديال القهوة.
الطبقة الثانية:
1 بيضة نطربو معاها 2 معالق كبار كريم باتيسيير و 3 معالق كبار سنيدة نطربوهم مزيان بالفورشيط و نزيدوهم على نصف لتر حليب ونديروهم فوق نار مهيييلة مع التحريك المستمر نضيفو 12 قطعة من الشكلاط الأسود وحنا كنحركوا حتى يعقد الخليط ونصبوه على الكيك وندخلوه الثلاجة يشد راسو.
الطبقة الثالثة:
كأس كبير عصير ليمون، 3 معالق كبار سنيدة، 3 فلان شكلاط أو فاني، فوق نار مهيلة حتى يغلي ونصبوه على الطبقة الثانية برفق باش ما تفسدش ونردوها للثلاجة من الأحسن تبقى ليلة كاملة.
التزيين حسب الرغبة وحسب المتوفر في البيت.
بالصحة والراحة