وصفة طبيعية صحراوية لتبييض الجسم والتخلص من الحبوب
وصفة طبيعية صحراوية لتبييض الجسم والتخلص من الحبوب
اول حاجة تاخدي
شوية ديال الخزامة والبابونج والقرنفل والورد وازير والزعتر غادي تجمعيهم وتديرهم فشيء كاسرونة وتديري لهم الماء وتخليهم حتى يغلاو وتصفيهم وتجمعيهم فشيء قرعة وتحطيهم فالثلاجة حتى تحتاجيهم
ثاني حاجة غادي تشدي
الحنة روز مدقوق سكر كلاصي خميرة طرية خرقوم العكر الفاسي قطيرات من زيت الزيتون والصابون البلدي وتخلطيهم بالماء الي فيه العشوب وغادي تطلعي لسطاح او اي بلاصة دافية عندك فالدار غادي تدهني لحمك كله بالخليط وتخليه حتى ينشف وتلبسي بيجاما قديمة وتدهني قديماتك بفازلين والعكر الفاسي وتلبسي الميكة والتقاشر وتكلسي ساعة وتحيدي الميكة وعاد تمشي للحمام وتغسلي فالدار غادي تشلي من الخليط وتديري الصابون البلدي وتبداي تحكي لحمك وملي تسالي غادي تديري كوماج من زيت الزيتون والسنيدة وتدلكي اركابيك ومرافقك وكلشي جسمك وما تنساي الارداف راه السنيدة والزيت الزيتون وكتخليهم رطبين وكتحارب منهم الحبوب كتخليهم رطبين وديري لوجهك ماسك الطين الابيض مع نبفيا وعلى ما تغسلي الدوزان ديال الحمام وتغسلي الكيس وتجمعي شغلك كله غادي يكون وجهك استافد من الماسك ولحمك استافد من زيت غادي تغسلي بالصابونة مزيان حتى تخرجي كلشي الزيت من جلدك وتغسلي و جهك من الماسك وغادي تعاودي تغسلي بشيء جيل دوش ريحته زوينة وهانت ساليتي حمامك على احسن ما يرام وملي تخرجي ضروري تدهني لحمك بشيء كريم مرطب ولبسي لاباسك وديري شيء ديدوغون خفيف وملي توصلي لدار شربي شيء كويس ديال اتاي وحلي البيسي وردي عليا الاخبار