موقع اناقة مغربية وشهيوات و وصفات حلويات المغربية للمرأة المغربية الحادكة

تحضير السفة المغربية باللحم مذااااق راااائع


تحضير السفة المغربية باللحم مذااااق راااائع

المقادير:

  • نصف كيلو سكسو رقيق مفور 3 مرات و في التفويرة الاخيرة كانسقبو بعلبة حليب الكوك (هد الحليب كيخلي السفة ديالنا واعرة)
  •  معلقة الزبدة
  • نصف كيلو اللحم هبرة
  • ملحة
  • سكنجبير
  • شوية الخرقوم
  • 2حبات قعقلة
  • عود القرفة
  • 3معالق زيت بلدية
  • كيلو البصلة مقطعة رقيق
  • معلقة العسل
  • رابعة اللوز مسلوق و مقشر و مقلي و مهرمش
  • رابعة المشماش مرطب فماء غليان
  • الزبدة
  • الفواكه الجافة للتزيين

 طريقة تحضير:

كناخدو اللحم. مقطع مربعات صغار مع العطرية و الزيت نديروه فالطنجرة على عافية مهيلة حتى يطيب بلا ماء و ناخدوه و نفرتتوه و ناخدو ديك البصلة نقطعوها رقيقة و نفوروها مع عود القرفة وشوية الملح حتى تذبال و نديروها فمقلة مع معلقة كبيرة الزبدة و نزيدو معلقة العسل حتى تتعسل و نزيدو عليها اللحم اللي فرتتناه و نخليوه و نمشيو لللوز و المشماش كاناخدو اي حاجة بغينا اما المشماش ولا الاناناس ولا الشريحة ولا التمر ولا غير الزبيب نرطبوه بالماء غليان ثم نقطعوه طريفات صغار نديروه فالمقلة مع معلقة الزبدة و معلقة العسل حتى يتعسل أو نزيدو اللوز مهرمش أو نمشيو المونطاج
ناخدو الاطار نديرو تستيفة ديال الكسكسو ثم اللحم مع البصلة ثم اللوز مع المشماش و نديرو طبقة وحدة اخرئ ديال السكسو و نزينو باللي بغينا و بالصحة و الراحة

قد يعجبك ايضا