طورطية بالخضر

طورطية بالخضر
كرتان صحي بالخضر من اسهل مايكون وتيجي لديد وخفيف بسم الله وعلى بركة الله غنحتاجوا ل 2 بطاطس منقية ومقطعة مربعات ومصلوقة نصف صلقة فالماء بصلة متوسطة مشلظة رقيق 2 جزرات منقيين ومحكوكين 2 قرعات خضرين محكوكين شوية زيت زيتون مخلط مع زيت المائدة ملح شوية ابزار شوية القزبر حبوب مطحون شوية الحار يابس

تنعمل البصل يتشحر مع شوية الزيت حت يدبال

نزيد البطاطس لي صلقتها نصف صلقة من قبل ونخليها تشحر مزيان ونزيد التوابل ونبق نحرك حت تحمر البطاطس من الجوانب

نضيف الجرز والقرعة الخضراء ونخليهم يتشحروا مزيان

هاهي الحشوة ملي وجدات

دبا غندوزوا للخليط غنحتاجوا ل4 بيضات شوية ملح ربع كاس حليب ومعلقة كبيرة دقيق ابيض وحك طون معلب

تنعمل البيض فزلافة كبيرة نضيف الحليب الدقيق والملح ونطربهم مزيان

تناخد المول لي غيدخل للفرن ندهنوا مزيان بالزبدة

ناخد الحشوة لي وجدت ونزيد عليا الطون المعلب بعدما نكون صفيتوا من الزيت لي فيه ونخلط الكل مزيان

نعمل الكل فالمول

ونزيد خليط البيض لي وجدت من قبل ونرش عليه شوية الربيع مقطع

ونرش الفرماج احمر محكوك وندخلها للفرن طيب

تتجي طالعة وخفيفة وتصلاح كنوع من السندويشات يعني نعمروا بيها االباكيط او البانيني ونعطيوها للوليدات كوجبة للغداء او تاخدوها بوحدها مع شربة او شليضة
لوجبة العشاء

بالصحة والعافية