طريقة تحضير كيكة بدون زيت و بدون خميرة سهلة و رائعة
طريقة تحضير كيكة بدون زيت و بدون خميرة سهلة و رائعة
مقادير :
- 220 غرام سكر سنيدة
- 5 بيضات
- 150غرام دقيق
- 4 معالق كبار حليب
- عصير حامضة وقشورها محكوكين
طريقة تحضير:
اول حاجة كانفرقو الصفر والبيض د البيض
الصفر د البيض نزيدو عليه سنيدة ونطربوه تايولي الخليط بحال الكريم نزيدو ليه الحليب وعصير حامضة وقشورها محكوكين مع التخلاط تايتجانسو ونضيفو الدقيق
البيض د البيض نزيد عليه قريصة د الملح ونطربو تايولي بحال الثلج
صافي ونجمعو الخليطين بمعلقة خشبية نحركو بشوية ومن الفوق للتحت تايندامجو مع بعضهم
نديرهم في المول من الاحسن يكون المول المستطيل وندخلهم يطيبو في الفران لي يكون ديجا مسخن على 150 درجة مدة ساعة
مني طابت الكيكة سقيتها بصوص الحامض:
- 5 معالق كبار عصير الليمون و5 معالق كبار عصير الحامض
- قشرة حامضة
- 5 معالق سنيدة
- 3 معالق كبار نيدو
- معلقة صغيرة د النشا مايزينا
هاد المقادير كاملا كانديرها في كاسرونة فوق العافيا ونبقا نحرك تاتبدا تعقاد ونطفي عليها تاتبرد شويا عاد نسقي بيها الكيك
كاتجي مقطنة من الداخل.