طريقة لتحضير المخنفر بطريقة سهلة ومبسطة
طريقة لتحضيرالمخنفر بطريقة سهلة ومبسطة
المقادير :
- زلافة كبيرة فورص
- زلافة صغيرة فينو
- معلقة كبيرة خميرة ديال الدار
- 2 بيضات
- معلقة سنيدة
- 2 خمارات
- الماء دافي للعجن
- وايلا بغينا كمية كثر نزيدو المقادير
الطريقة :
كندوبو الخميرة في كاس ديال الماء , وناخدو النواشف نجمعوهم و نضيفو البيض و السكر ونعجنو بالماء دافي , العجينة ماتكونش تقيلة بزاف و ماشي خفيفة بحال ديال بغرير , ندلكوها شوية باش مايتجمعوش كويرات ديال طحين
نديرو الهليط في الكوكوط ونسدوها مزيان ونعملو لو صفاارة ونخليوها تخمر على الاقل 30 دقيقة على حسب الجو .. وناخدو المقلة الثقيلة نسخنوها ونرشو الزيت المائدة وناخدو مغرفة من العجين نشكلوها دائري وملي تبدا طيب ندهنو شوية الوجه ونقلبوها
وندهنوه بالزبدة والعسل ولا باش ما بغينا , كيجي زوين نتمنى تجربوه
