تعرفي سيدتي على معلومة صحية عن كبد الدجاج

تعرفي سيدتي على معلومة صحية عن كبد الدجاج
السلام عليكم
كيدايرين احباباتي كنتمنى تكونوا بخير

جبت ليكم معلومة مهمة عن كبدة الدجاج و لاداند المهم الدواجن كلها
كنضن عارفين ان الدجاج الرومي و لاداند كيضربوا ليهم الابرة في الجناح ديالهم عبارة عن هرمونات و هي في الاخير سموم كتمشي كتمركز في الكبد ديال هاذ الدواجن
باش يكبروا و يغلاضوا هاذ المعلومة قالتها لي واحد السيدة خوها خدام في فيرمة الدجاج
و عرفت بلي بزاف الناس لي كيعرفوا هاذ المعلومة الخطيرة كيرميوا الكبدة
و مؤخرا سمعت واحد خبيرة التغدية قالت انناا باش نخلصوا الكبدة ديال الدواجن من السموم اننا نديروهم في الحليب مدة 30 د و نشلوهم عادي عاد نطيبوا بيهم و انا ندير القياس ههه فحال ملي كيشرب او ياكل شي حد شي حاجة مسمومة كنعطيوه الحليب باش ما يقضيش فيه السم نفس الشي ههه

ندير الكبيدة من بعدما غسلناها عادي فحال الدجاج في طبسيل او زلافة
و نخوي عليها شوية الحليب و مرة مرة نحركها و نقلبها ثم نشللها في الاخير