معكرونة بالخضر و الكفتة و البيشاميل بالصور

معكرونة بالخضر و الكفتة و البيشاميل بالصور

اولا تنصلقو اي نوع من المعكرونة عندكم بشوية الملح و الزيت و نحاولو منطيبوهاش 100%

ثانيا تنحكو في الحكاكة رقيقة جزر و كرعة و ملفوف نقطعوه شعرة نضيفو لهاد الخضر ملعقة زبدة و رشة ملح و ابزار و نشحروها عل عافية متوسطة حتا تدبال و نخليوها عل جنب

في مقلاة نستفو بصلة خضارية و نشحروها فزويتة و نزيدو عليها فلفلة حمراء مرققة ثم نضيفو طماطم محكوكة و نتبلوها بإبراز ملح زعتر و نخليوها طيب مني تختار و يتبخر الما تقريبا نزيدو كفتة و نخلطو كلشي و نحيدوها

ندوزو للبيشاميل تنديرو ملعقة زبدة و ملعقتين دقيق مني يبدا الدقيق يتحمر نزيدو الحليب و نواصل التحريك عل عافية مهيلة و نسموها بملح و ابزار و مني تعقاد نحيدوها

في اناء يدخل الفرن نصبو شوي بيشاميل و نديرو طبقة ديال المعكرونة ثم نصبو صوص الطماطم و الكفتة ثم الخضر ثم ما تبقى من المعكرونة و نصبو لي بقا لينا من البيشاميل

ندخلوها للفرن الساخن و مني تقرب تحمر نخرجوها و نرشو عليها جبن محكوك و نرجعوها

الصور توضح المراحل و اي استفسار مرحباً
كنهدي الوصفة لمغتربات الولايات المتحدة الامريكية و الاخت ريما لي طلبتها مني